Qarax weyn oo ka dhacay Kismaayo iyo weerar toos ah oo socda

0

Kismaayo (HalQaran.com) – Qarax xooggan oo gilgilay ayaa ka dhacay magaalada Kismaayo oo xarun kumeel gaar u ah maamulka Jubbaland.

Wararka ay helayso HalQaran.com, ayaa sheegaya, in maleeshiyaad ka tirsan Al-Shabaab ay weerar culus ku qaadeen Hotalka Mariidiyaanka ee Ex-Cas-caseey oo ku yaalla bartamaha magaalada Kismaayo.

Goobjoogayaal ayaa u sheegay HalQaran.com, in gaari walxaha qarxa laga soo buuxiyay ay maleeshiyaadku ku weerareen Hotelka ka horta inta aysan rag aad u hubeysan hotelka gudaha u gelin.

Jawaab ded-deg ah oo ay ka bixiyeen ciidamada ammaanka Jubbaland weerarkaasi ayaa isku badalay dagaal toos ah oo dhexmaray maleeshiyaadka weerarka soo qaaday iyo ciidanka.

Waxaa lagu soo warramayaa in hotelkaasi ay deganaayeen dad qurbaha ka yimid (Qurba-joog) iyo qaar ka mid ah musharraxiinta doorashada maamulka Jubbaland.

Ilaa iyo hadda lama sheegi karo khasaaraha uu geystay weerarkaasi.

Haddaba goor-dhow kala soco HalQaran.com, faah-faahinta warkaasi.

Xafiiska HalQaran.com, Muqdisho
halqarannews@gmail.com  

LEAVE A REPLY

Please enter your comment!
Please enter your name here