Ajaaniib Al-Shabaab ah oo laga soo qabtay Gobolka Jubbada hoose iyo Agab ciidan & Bambooyin laga helay..

Afmadoow (Halqaran.com) – Hay’adaha ammaanka Soomaaliya ayaa sheegay in Saacadahii lasoo dhaafay Saddex xubnood oo ah Ajaaniib ka bar-bar dagaallamaysay Ururka Al-Shabaab lagu soo qabtay howlgal Millitari oo ka dhacay Degmada Afmadoow ee Gobolka Jubbada hoose, sida ay daabacday Jariiradda Strategic Intelligence.

Saddexdan Nin oo kasoo jeeda Dalka Tansaaniya ayaa lala soo qabtay xubno kale oo iyaguna ka tirsan Al-Shabaab, waxaana Gurigii ay deggenaayeen laga helay Agabka ciidan iyo aaladaha laga sameeya Bambooyinka.

Degmada Afmadoow oo dhacda meel ku dhow xadka kala qeybiya Soomaaliya iyo Kenya, ayaa waxay qiyaastii 115-km u jirtaa Caasimadda Jubbada hoose ee Kismaayo, taas oo ka mid ah magaalooyinka ugu muhiimsan xagga isu socodka ganacsiga ee Koofurta Dalka.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here