Wararka Maanta

Wararkii ugu dambeeyay ee ninkii Ajnabi ahaa ee lagu dilay Boosaaso

Boosaaso (Halqaran.com) – Wararka naga soo gaaraya Magaalada Boosaaso ee Gobolka Bari ayaa sheegaya in halkaasi lagu dilay nin Ajnabi ah oo u dhashay dalka Kenya.

Dilka ninkaan Ajnabiga ah ayaa waxaa ka dambeeyay Askari la sheegay inuu ahaay ilaaladiisa kaasi oo ku dilay Bartamaha Magaalada Boosaaso.

Askariga dilka gaystay iyo Ninka Kenyanka ah ayaa waxaa soo kala dhex galay muran kaasi oo ugu dambeyn sababay dilka ninka Kenyanka ah.

Ninkaan Ajnabiga ah ee la dilay ayaa lagu soo waramayaa inuu u shaqeynaayay Shirkad qaabilsan Kalluumeysiga.

Ninka dilka gaystay oo baxsaday ayaa waxaa baadigoob ugu jira Ciidamada ammaanka Magaalada Boosaaso.

Xafiiska Halqaran.com, Muqdisho
Halqarannews@gmail.com

Post Comment