Maxay Qaramada Midoobey ka tiri Shirka dib-u-heshiisiinta beelaha Galmudug? + (Ogow Cusub)!

Muqdisho (Halqaran.com) – Wakiilka gaarka ah ee Qaramada Midoobey u qaabilsan Soomaaliya, James Swan  ayaa boggaadiyay dadaallada dib u heshiisiinta ah ee ka socda degaananda maamulka Galmudug, waxaana uu sheegay in ay tahay tilaabo wanaagsan oo horay loo qaaday.

Swan ayaa sheegay in xubnaha maamulka Galmudug iyo dowladda dhexe ee Soomaaliya uu ugu baaqayo in la gaaro heshiis dhab ah oo horseedi kara in guud ahaan lasoo Afjaro dhibaatooyinka ka jira degaanada maamulka Galmudug.

Sidoo kale, waxa uu sheegaya in Qaramada Midoobey ay taageero ku bixinayso in doorasho Xalaal ah ay ka dhacdo degaanada maamulka Galmudug markii uu soo dhamaado Shirka dib u heshiisiinta maamulka Galmdug.

”Geeddi-socodka doorashooyinka Dawladaha xubinta ka ah Dawladda Federaalka si dhaw ayaan ula soconaynaa, horumar ayaa ka jira Galmudug halkaasoo ay gacan ka heyso Dowladda Federaalka ah waa Mid wanaagsan , waxaa shaqeynaya Guddiga dib u heshiisiinta waana dhiirigelinaynaa dadaalkan”, ayuu yiri Mr. Swan.

Ugu dambeyn, Swan ayaa ku baaqay in la gaaro heshiis guud oo ku saleysan geedi socodka doorashada Galmudug si looga fakaado dhibaatooyin ka dhasha doorashadda maamulka Galmudug.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here