UPDATE: Wararkii ugu dambeeyay Xiisad ka dhalatay dad lagu laayay Galgaduud

Galgaduud
Galgaduud

Galgaduud  (Halqaran.com) – Waxaa xiisad ka dhalatay laba nin oo xoolo dhaqato ahayd oo lagu dilay Deegaanka Balicad ee Gobolka Galgaduud, xilli ay dilkooda gaysteen dabley hubeysan oo gaari watay.

Dilka ayaa Khamiistii ka dhacay Deegaanka Balicad oo ku yaala wadada xiriirisa Degmooyinka Cadaado iyo Caabudwaaq.

Dableyda dilka gaysatay oo sida la sheegay ka timid dhinaca Degmada Caabudwaaq ayaa waxaa la soo sheegaya in dilka ka dib, ay dib ugu laabteen Caabudwaaq.

Xiisadda ka dhalatay dilka labadan nin ayaa soo ifbaxday markii dhaqdhaqaaq laga dareemay deegaanada hoos-tagga Degmada Cadaado, oo heyb ahaan ay labadaasi nin ka soo jeedaan.

Bulshada ku dhaqan Deegaanka Balicad ayaa ku sheegaya in ehelada xoolo dhaqatada la dilay ay wadaan abaabul ay ku doonayan, in ay aargudashado ku sameeyan.

Ugu dambeyn, gobolada Dhexe ayaa waxaa ku badan dilalka aanooyinka xagga beelaha la xiriira, waxayna dilalka yihiin kuwo si joogto ahi uga dhaca goboladaas.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here