Wararka Maanta XULKA IYO MUUQAALLO

UPDATE: Guddoomiyaha Aqalka sare ”Madaxda dowladda waa inay xalliyaan khilaafka kala dhaxeeya maamul goboleedyada”

Guddoomiyaha Aqalka Sare, Cabdi Xaashi Cabdullaahi

Muqdisho (Halqaran.com) – Gudoomiyaha Aqalka Sare ee Baarlamaanka Somaliya, Cabdi Xaashi Cabdullaahi ayaa wuxuu maanta uu is dul-taag ku sameeyay khilaafka xoogan ee Dowladda Federaalka Somaliya kala dhaxeeya Maamul Goboleedyada.

Madaxda Dowladda Somaliya ayuu muddooyinkii ugu dambeeyay uu khilaaf darani kala dhaxeeyay Maamulada Jubbaland iyo Puntland, iyadoo khilaafka kala dhaxeeya Jubbaland uu gaaray heer dhinaca hawada culeys laga saaro Jubbaland.

Gudoomiyaha Aqalka Sare oo maanta ka hadlay furitaanka Kalfadhiga 6aad ee Golaha Shacabka ayaa waxaa uu Madaxda Qaranka ugu baaqay inay xaliyan khilaafka kala dhaxeeya Maamul Goboleedyada Dalka ka dhisan.

Cabdi Xaashi Cabdullaahi oo tilmaamay sida ay laga maarmaan u tahay xal u helidda khilaafkaasi ayaa dhanka kale mid waajib ah ku sheegay in xal laga gaaro khilaafkaasi, si aanay dib u dhac ugu keenin hawlaha qaranka.

Ugu dambeyn, gudoomiyaha Aqalka Sare Cabdi Xaashi C/laahi, ayaa muujiyay inaanan loo baahnayn is qabqabsi iyo is jiidjiid caqabad ku keeni kara horu-socodka dalka iyo dadka Soomaaliyeedba.

Xafiiska Wararka Halqaran.com
Halqarannews@gmail.com

<

Post Comment