DAAWO SAWIRRO: Sidee madaxweynaha Puntland ‘DENI’ loogu soo dhaweeyay Kismaayo?

Kismaayo (Halqaran.com) – Madaxweynaha Dowlad goboleedka Puntland, Mudane Siciid Cabdullaahi Deni iyo Wafdi uu hogaaminayo ayaa Khamiistii maanta siweyn loogu soo dhoweeyay Magaaladda Kismaayo ee Xarunta KMG ah ee Jubbaland.

Deni iyo wafdigiisa oo ka qeybgelaya Caleemasaarka Madaxweynaha Jubbaland, ayaa ka kooban Masuuliyiin isugu jira Heer Federaal iyo Heer Puntland, waxaa ka mid ah Madaxweynihii hore ee Puntland Senator Cabdiraxmaan Faroole, Xildhibaan Sahro Qoorsheel, Xubno ka tirsan labada Gole ee Dowladda Puntland, Siyaasiyiin hore xilal ugaso qabtay Puntland iyo Soomaaliya, Dhaqan, Ganacsato iyo Saraakiil ka tirsan Madaxtooyada Dowladda Puntland.

Madaxweynaha Puntland Mudane Siciid Cabdullaahi Deni ayaa waxaa soo dhoweyn Hab-maamuuskeedu sareeyo u sameeyay Madaxweynaha Jubbaland Axmed Maxamed Islaam (Axmed Madoobe, kadibna waxaa uu Madaxweynuhu u gudbay dhinaca shacabka oo boqolaal dad ah isugu soo baxeen soo dhoweyntiisa.

Axmed Madoobe ayaa ku soo dhoweeyay Kismaayo Madaxweynaha Puntland Siciid Deni iyo wafdigiisa, wuxuuna uga mahadceliyey imaanshiyahooda iyo ka qeybgalka Xafladda Caleemasaarka.

Madaxweynaha Puntland Siciid Cabdullaahi Deni, wuxuu Jubaland iyo Shacabkeeda uga mahadceliyey sida weyn ee ay usoo dhoweeyeen isaga iyo wafdigiisa.

Halka hoose ka daawo soo dhaweynta Madaxweyne Deni ee Kismaayo:

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here