DAAWO SAWIRRO: Madaxweynaha Koonfur Galbeed Laftagareen oo tegay Baraawe +(Ujeedka Safarkiisa)

Baraawe (Halqaran.com) – Madaxweynaha dowlad goboleedka Koonfur Galbeed Cabdicasiis Xasan Maxamed (Laftagareen) iyo wafdi uu horkacayo ayaa maanta gaaray degmada Baraawe ee caasimadda maamuka Koonfur Galbeed Soomaaliya.

Waxaa wafdiga Madaxweynaha Koonfur Galbeed ku soo dhaweeyay garoonka diyaaradaha ee degmada Baraawe, maamulka degmada iyo qeybaha kala duwan ee Bulshada.

Ujeedada safarka madaxweynaha Koonfur Galbeed Cabdicasiis Laftagareen, ayaa lagu sheegay inay tahay, sidii uu xariga uga jari lahaa garoonka diyaaradaha ee Baraawe oo dib u dhis cusub lagu sameeyay.

Madaxweynaha Koonfur Galbeed, waxaa ka mid ah wafdiga uu hoggaaminayo, guddoomiyaha baarlamaanka Koonfur Galbeed, Cabduqaadir Shariif Sheekhunaa Maye, Wasiirka dekadaha iyo gaadiidka Badda iyo mas’uuliyiin kale.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here