Faah-faahin cusub weerarkii Al-Shabaab ay ku qaaday Saldhiga Ciidanka Awdheegle & Wararkii ugu dambeeyay

Maleeshiyaadka Ururka Al-Shabaab /Sawir hore/

Awdheegle (Halqaran.com) – Waxaa faah-faahin dheeraad ah ka soo baxeysa Khasaaraha ka dhashay dagaal Ciidamada dowladda iyo Maleeshiyaadka Ururka Al-Shabaab ku dhexmaray Degmada Awdheegle ee Gobolka Shabellaha hoose.

Wararka ayaa sheegaya, in dagaalkan uu yimid, ka gadaal markii Al-Shabaab weerar ay ku qaadeen Saldhiga Ciidamada dowladda ee Degmada Awdheegle ay ku leeyihiin.

Sidoo kale, wararka ayaa tilmaamaya, in dagaalkan uu ahaa mid aad u culus, waxaana ka dhashay khasaare isugu jira dhimasho iyo dhaawac oo soo kala gaaray dhinacyadii halkaasi ku dagaalamay.

Dagaalkan ayaa la xaqiijiyay in laba ruux oo ka mid ahaa dhinacyadii dagaalamay ay halkaasi ku dhinteen, sidoo kale tiro kalena uu dhaawac soo gaaraya.

Si kastaba, saraakiisha Ciidamada dowladda waxa ay sheegeen inay iska caabiyeen weerarka kaga yimid maleeshiyaadka Ururka Al-Shabaab.

Sii Akhri Wararka Kale ee Maanta oo Xiiso leh:



Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here