Wararka Maanta

DEG DEG: Dhallinyaro Iska shaaheysay oo Caawa lagu laayay magaalada Muqdisho + (Ogow Sababta)

Muqdisho (Halqaran.com) – Warar goor-dhow caawa naga soo gaaraya Degmada Kaxda ee Gobolka Banaadir ayaa sheegaya, in dhallinyaro lagu laayay Degmadaasi.

Muddooyinkii dambe Degmada Kaxda ayaa waxaa ka taagnaa xiisad salka ku haysa dilalka aanooyin qabiil, waxaana taasi ay sababtay caawa in la laayo dhalinyaro meel fadhiday.

Xogta ay haleyso Halqaran.com ayaa sheegaya, in dhalinyaro meel fadhiday oo ku shaaheysay in rasaas lagu furay, waxaana halkaasi ku dhintay illaa Saddex dhalinyaro ah, halka ay dhaawacmeen afar kale.

Kooxda falkaan gaysatay oo qoryo ku hubaysnaa ayaa ka baxsaday goobtii ay dilka ka gaysteen, waxaana la sheegayaa inay yihiin rag maleeshiyaad aano qabiil dilka u gaystay.

Goobta arrintaan ka dhacday ayaa waxaa gaaray Ciidamada Booliska Degmada Kaxda, waxaana socdo baaritaano ku aadan halka ay u baxsadeen dableydii falka dilka ah gaysatay.

Si kastaba, dhallinyarada caawa Degmada Kaxda lagu laayay ayaa ahaay kuwa deegaanka u dhashay oo arrimo siyaasadeed aanan shaqo ku laheyn.

Xafiiska Wararka Halqaran.com
Halqarannews@gmail.com

Post Comment