Wararka Maanta

Sarkaal Sare oo Muhiim u ahaa Somaliland oo Ku Biiray Maamulka Puntland

Garowe (Halqaran.com)- Sahal Faarax Raage oo ahaa G/Dhexe kuna magacaabnaa Xeer ilaaliyihii Maxkamadda sare ee ciidamada Somaliland ayaa sheegay inuu isku dhiibey maamulka Puntland, isagoo ka sugan magaalada Garowe.

Sidoo kale Gaashaanle dhexe Sahal Faarax ayaa waxa uu shaaciyay inuu ka tanaasulay xubinnimadii uu ku lahaa Ciidanka Somaliland, isla markaana wixii Maanta ka bilaawda uusan ka mid aheyn Somaliland.

Waxaa kaloo uu tilmaamay Sahal Faarax Raage inuu ku biiray Ciidanka Daraawiishta Puntland, waxaana sababta uu uga soo goostay dhanka Somaliland uu u sheegay inay tahay Caddaalad darro, waxaana Garoowe kusoo dhaweeyay Saraakiil ka tirsan Puntland.

Dhanka kale Somaliland wali kama soo bixin wax war ah oo ku aadan Xeer ilaaliyihii Maxkamadda sare ee ciidamadooda oo u goostay maamulka Puntland.

Xafiiska Wararka Halqaran.com
Halqrannews@gmail.com

Post Comment