DEG DEG: Qarax khasaare geystay oo goor-dhow ka dhacay Muqdisho

Muqdisho (Halqaran.com) – Warar goor-dhow naga soo gaaray Degmada Xamar weyne ee Gobolka Banaadir ayaa sheegaya in halkaasi uu ka dhacay wax yar ka hor qarax gaari lagu soo rakibay.

Gaari noociisa uu yahay Premio ayaa waxaa lagu dhajiyay waxyaabaha qarxa, waxaana ku dhaawacmay ruuxii watay gaarigaasi.

Ciidamada Booliska oo gaaray goobta ay wax ka dhaceen ayaa halkaasi waxa ay ka qaadeen dhaawaca shaqsigii watay gaariga, waxaana la geeyay goobaha caafimaadka.

Waa qaraxii labaad oo ka dhaca Muqdisho maanta oo keliya, waxaana qaraxyada ay yihiin kuwa dhajiska ah ee baabuurta lagu xiro.

Waxaa muddooyinka dambe soo hagaagayay ammaanka Magaalada Muqdisho, isla-markaana ay dadku ka nasteen daryanka qaraxyada.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here