Khilaafkii Hargeysa oo lagu kala adkaaday iyo guddiga doorashada oo maanta la Dhaariyay +(VIDEO)

Hargeysa (Halqaran.com) – Aadan Xaaji Cali Axmed, guddoomiyaha maxkamadda sare ee Somaliland ayaa maanta madaxweyne Muuse Biixi hortiisa ku dhaariyey xubnaha cusub ee Komishanka doorashooyinka ee dhawaan la dhisay, Kuwaasi oo Dood adag ay ka taagnayd Maalmihii lasoo dhaafay.

Xubnahan cusub ee komishanka doorashooyinka oo dhawaan ay ansixiyeen golaha baarlamanka Somaliland, ayaa la mariyey dhaarta Dastuuriga ah, si ay u gudo galaan gudashada shaqooyinka loo igmaday ee bulshadu ka sugayso.

Madaxweynahe Muuse Biixi Cabdi, ayaa dhaarta kaddib xubnaha komishanka cusub dardaaran adag u jeediyey, waxana uu ku adkeeyey inay dhawraan caddaaladda iyo sinnaanta, islamarkaana garsoorkooda bud-dhig uga dhigaan Kitaabka Eebbe ee ay ku dhaarteen maanta.

Xisbiyadda UCID iyo Waddani ayaa horay uga soo horjeestay Meelmarinta  Xubnahan, Taasi oo keentay in Hargeysa lagu xidho  Masuuliyiin ka tirsan Xisbiga Wadani.

Arrintan ayaa hada u muuqata mid lagu kala Adkaadya oo Xukuumaddu Somaliland ay guul ka gaaray.

Halka hoose ka daawo Muuqaalka:

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here