Wararka Maanta

Maxaa ka soo baxay kulankii maanta ee Golaha Aqalka sare ay ku yeesheen Muqdisho? +(AKHRISO)

Muqdisho (Halqaran.com) – Golaha Aqalka Sare ee Baarlamaanka Federaalka Soomaaliya ayaa ku yeeshay xarunta Aqalka Sare Kulankii 19aad ee Kalfadhiga 6aad ayada oo uu shir Guddomiyay Guddomiyaha Aqalka Sare Senatar Cabdi Xaashi Cabdullahi.

Kulanka sidoo kale waxaa goob jog ahaa Guddomiye Ku-Xigeenka 2aad Senatar Moowlid Xuseen Guhaad.

Ajendaha Kulanka ayaa ahaa Akhrinta 2aad ee Sharciga Wax-ka Badelka Iibka iyo Qandaraasyada Qaranka.

Guddiga Dhaqaalaha Maaliyadda, Ganaacsiga, Warshadaha, Isgaarsiinta iyo Dalxiiska ee Aqalka Sare ayaa ka hor Akhriyay Golaha Aqalka Sare warbixinya Hindise-sharciyeedkaan.

Intaa kadib ayaa Wasiirka wasaarrada Maaliyada, Cabdiraxmaan Ducaale Beyle oo ay wehliyaan howl-wadeeno ka socday wasaradda maaliyadda ayaa hor yimid Golaha Aqalka Sare.

Waxa laweeydiiyay Su’aalo ku adaan Akhrinta 2aad ee Hindise Sharciyeedka Wax-ka Badelka Iibka iyo Qandaraasyada Qaranka Waxa uuna ka jaawabay suaalihi ay weeydiyeen Senatarada.

Kulanka ayaa waxaa soo xiray Guddomiye Ku-Xigeenka 2aad Senatar Moowlid Xuseen Guhaad oo shegay in dooda akhrinta 2aad ee sanatarada lagu soo daro Sharciga.

Xafiiska Wararka Halqaran.com
Halqarannews@gmail.com

Post Comment