Wararka Maanta

Duqa Muqdisho ‘Filish’ oo guddoomiye cusub u magacaabay degmada Shaangaani, kaddib markii

Duqa magaalada Muqdisho, Cumar Filish

Muqdisho (Halqaran.com) – Duqa Magaalada Muqdisho ahna guddoomiyaha Gobolka Banaadir, Cumar Maxamuud Maxamed (Cumar Filish) ayaa guddoomiye Cusub u Magacaabey degmada Shangaani ee Gobolka Banaadir, kaddib markii Guddoomiyihii degmadaas ay ku geeriyootay qarixii ka dhacay Xarunta Gobolka Banaadir.

Wareegto kasoo baxday Xafiiska Duqa Muqdisho ayaa waxaa Guddoomiyaha degmada Shangaani loogu Magacaabey Aweys Camuudi kaas oo lagu bedelay Sahra Markeyzi oo kamid aheyd Guddoomiyeyaashii ku geeriyooday 24-kii Bishii July qarixii ka dhex-dhacay Xarunta Maamulka Gobolka Banaadir.

Ninkaan ayaa la sheegay inay qaraabo dhaw yihiin Guddoomiyihii Degmada ee geeriyootay.

Waa Guddoomiyihii ugu horreeyay ee Duqa Muqdisho uu magacaabo tan iyo markii xilkaasi loo magacaabay.

Degmada Waaberi ayaa wali waxa ay tahay Guddoomiye la‘aan maadaama guddoomiyihii degmadaasi uu ku dhintay Qaraxii xarunta Gobolka Banaadir.

Xafiiska Wararka Halqaran.com
Halqarannews@gmail.com

Post Comment