Sarkaal Al-Shabaab ah oo Duqeyn lala beegsaday & Wararkii ugu dambeyay

Saakow (Halqaran.com) – Wararka ka imaanaya Degmada Saakow ee Gobolka Jubbada dhexe ayaa sheegaya in duqeyn diyaaradeed oo khasaaro geystay ay ka dhacday degmadaasi.

Wararka ayaa intaasi ku daraya in duqeyntaasi lala beegsaday Sarkaal Shabaab ah, sida ay xaqiijiyeen Saraakiil ka tirsan dowladda Federalka Soomaaliya.

Duqeyntaan ayaanan kala cadeyn inay fuliyeen Ciidamo Soomaali ah ama Ciidan Ajaanib ah, balse Saraakiisha dowladda waxa ay sheegeen bartilmaameedka inuu ahaay Sarkaal Al-Shabaab ah.

Ilaa iyo hadda lama hayo magaca Sarkaalka la beegsaday iyo xilka uu haayo, balse duqeynta oo maanta dhacday ayaanan jirin cid si rasmi ah faah faahin kaga bixisay.

Si kastaba ha’ahaatee, diyaarado dagaal ayaa duqeyn joogto ah waxa ay ka gaystaan deegaanno ka tirsan Jubbooyinka oo maleeshiyaadka Al-Shabaab ay gacanta ku hayaan, waxaana xilliyada qaar Al-Shabaab ka soo gaara khasaaro.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here