Teknolojiyada: Whatsapp oo joojineysa adeegeeda lagu isticmaalo Mobile-lada qaar Sanadka 2020

Nairobi (Halqaran.com) – Shirkadda Whatsapp ayaa joojin doonta inuu adeegeedu ku shaqeeyo mobile-lada ay ku jiraan barnaamij-kiciyeyaasha iOS iyo Android qaarkood marka uu billowdo sanadka cusub ee 2020-ka.

Whatsapp aya horay u joojisay in uu barnaamijkeeda ku shaqeeyo Mobile-lada ay soo saarto shirkadda Balckberry iyo Nokia sanadkii 2016-kii, sanad kii xigay ee 2017-kiina waxa ay joojisay in uu ku shaqeeyo barnaamijkeeda mobile-lada ku shaqeeya noocyada hore ama feershanada hore ee Android, Windows iyo Iphone.

Sidoo kale 2019-kii sidaas oo kale ayey sameysay shirkadda Whatsapp.

Qoraal ay qortay Whatsapp ayaa lagu sheegay in ay joojineyso in gebi ahaanba barnaamijkeeda uu ku shaqeeyo Mobile-lada uu ku jiro barnaamij kiciyaha Windows OS marka lagaaro 31. Dec 2020. Taas oo ka dhigan dadka weli isticmaaliya Nokia Lumia aysan u suuro gali doonin in ay isticmaalaan Whatsapp sanadka 2020 oo ay ka hareen maalmo kaliya.

Ugu dambeyn qoraalka ay soo saartay Whatsapp waxa lagu xusay in qaar kamid ah Mobile-lada ku shaqeeya barnaamij kiciyaha Android OS gaar ahaan feershanka ama nooca 2.3.7 iyo iOS 7 iyaguna aysan Whatsapp ku shaqeyn donin Febraayo 2020-ka.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here