Guddoomiyaha Aqalka sare oo maanta Xafiiskiisa ku qaabilay Safiirka Ingiriiska ee Soomaaliya +(SAWIRRO)

Muqdisho (Halqaran.com) – Guddoomiyaha Aqalka sare ee Baarlamaanka Federaalka Soomaaliya, mudane, Cabdi Xaashi Cabdullaahi ayaa xafiiskiisa ku qaabilay Safiirka Ingiriiska ee Soomaaliya Ben Fender.

Kulanka Guddoomiyaha Aqalka sare iyo Safiirka dowladda Ingiriiska u fadhiya Soomaaliya ayaa looga hadlay xaalada guud ee dalka, sharciyada hortebinta leh ee horyaalla Golaha Aqalka sare, xiriirka dowladda dhexe iyo dowladaha xubnaha ka ah Federaalka.

Guddoomiyaha aqalka sare mudane Cabdi Xaashi Cabdullaahi ayaa sheegay in Aqalka sare uu wado dardar gelinta sharciyada hortebinta leh ee horyaalla Golaha.

Safiirka dowladda Ingiriiska ee Soomaaliya Ben Fender ayaa guddoomiyaha uga mahadceliyay qaabilaadiisa, isagoo ku ammaanay dardar gelinta howlaha muhiimka u ah dalka.

Dowladda Ingiriiska ayaa ka mid ah dowladaha Soomaaliya ka taageera dib usoo celinta Amniga iyo la dagaalanka argagaxisada.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here