Gaari xamuul oo qarax looga shakiyay oo lagu celiyay duleedka Muqdisho

Muqdisho  (Halqaran.com) – Wararka naga soo gaaraya deegaanka Sarkuusta ee duleedka Koonfureed ee Muqdisho, ayaa sheegaya in Ciidamada dowladda halkaasi ay ku celiyeen gaari qarax looga shakiyay.

Gaarigaan oo noociisa yahay kuwa waaweyn ee Xamuulka qaada Somalidana ay u taqaan Janta diyeesh ayaa waxaa is hor taagay Ciidamada dowladda.

Wararka waxa ay intaasi ku darayaan in shaki laga muujiyay qarax inuu ku raran yahay gaarigaan, maadaama uu ka yimid Gobol, islamarkaana sidaasi loo celiyay.

Ciidamada dowladda ayaa dadka ka agdhaw goobtaasi waxa ay u sheegeen inay ka fogaadaan, sidoo kalena waxaa la celiyay dhamaan gaadiidkii wadada mari jiray.

Saraakiisha Ciidamada ayaa laga soo xigtay in loo diraayo ragga u tababaran baarista waxyaabaha qarxa, si loo hubiyo gaariga inuu qarax wado iyo in kale.

Si kastaba, 28kii Bishii December qaraxii ka dhacay Isgoyska Ex-control Afgooye ayaa waxaa la sheegay gaarigii qarxay inuu ahaay gaari Dyna ah, maadaama qaraxa uu aad u cuslaay.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here