SAWIRRO: Taliska Booliska AMISOM oo qalab ugu yaboohday booliska Koonfur Galbeed

AMISOM police officers in a meeting with Southwest state officials during the donation of an assortment of office equipment to Southwest police force in Baidoa, Somalia on January 11, 2020. AMISOM Photo

Baydhabo (Halqaran.com) – Taliska Booliska AMISOM ayaa qalab ugu yaboohay Ciidamada Booliska Koonfur Galbeed, kadib kulan loogu wareejinaayay qalabkaasi oo ka dhacay Magaalada Baydhabo.

Sida lagu sheegay war qoraal oo ka soo baxay Xafiiska Warbaahinta Amisom ayaa wuxuu qalabkan isugu jiraa kuraas, miisas iyo kabarada armaajooyinka.

Sidoo kale, qalabkan ayaa loogu tala-galay in loo qaybiyo Ciidamada Booliska Koonfur Galbeed ee ka hawlgala Degmooyinka Afgooye, Marka, Baydhabo, Xudur iyo Berdaale.

Saraakiil Booliska AMISOM ka tirsan ayaa waxay deeqdan ku wareejiyeen Wasiirka Amniga Koonfur Galbeed, Isaaq Cali Subag. Wasiir Subag ayaana qalabkan u wakiishay inuu la wareego Taliyaha Booliska Baydhabo, Mukhtaar Ibraahim Axmed.

Deeqdan ayaa waxay ku soo aadaysaa, xilli dowladdu ay qorsheynayso in ciidan hor leh ay gayso saldhigyada ku yaala degmooyinkaasi, iyadoona uu qalabkan anfici doono.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here