Jubbaland oo Xubno ka tirsan Al-Shabaab ku dishay howlgal qorsheysan

Kismaayo (Halqaran.com) – Maamulka Jubbaland, ayaa sheegay hawlgal qorsheysan oo ka dhacay Gobolada Jubbooyinka iyo Gedo inay ku dileen xubno ka tirsanaay Ururka Al-Shabaab.

Afhayeenka Wasaaradda Amniga Maamulka Jubbaland Cabdi Nuur Ibraahim ayaa sheegay hawlgalkaasi oo ciidamada Jubbaland ay fuliyeen in laga gaaray guulo muhiim ah.

Xilli uu Warbaahinta kula hadlaayay Magaalada Kismaayo ayuu sheegay in hawlgalka laga sameeyey deegaannada Cabdala Biroole, Yaaq Bishaaro iyo deegaano kale oo hoostagga degmada Jamaame.

Waxa uu sheegay in howlgaladaas guulo kale oo waaweyn laga gaarey, sidoo kalena ay Ciidamada dileen Afar Xubnood oio ka tirsan Al-Shabaab kana qabsadeen saanad Millateri sida uu hadalka u dhigey.

Ilaa iyo hadda jirto ilo wareedyo ka madax banaan Afhayeenka Wasaaradda Amniga Jubbaland oo xaqiijinaya in la dilay afar xubnood oo ka tirsanaay Al-Shabaab.

Gobolada Jubbooyinka muddooyinkii dambe waxaa ka socday dhaq dhaqaaq Ciidan oo ay wadeen maamulka Jubbaland iyo Ciidamada Kenya.

Xafiiska Wararka Halqaran.com
Halqarannews@gmail.com

 

LEAVE A REPLY

Please enter your comment!
Please enter your name here