DAAWO SAWIRRO: Gudoomiyaha baarlamaanka Galmudug ‘Gacal’ oo kulan xasaasi ah la qaatay saraakiil AMISOM

Dhuusamareeb (Halqaran.com) – Guddoomiyaha Baarlamaanka maamulka Galmudug Dr. Maxamed Nuur Gacal ayaa Khamiistii maanta waxa uu magaalada Dhuusamareeb ee Caasimada maamulka Galmudug kulan xasaasi ah kula qaatey Saraakiil sare oo ka tirsan Ciidamada Midowga Afrika ee Amisom kuwaas oo gaaray magaalada isaga oo kala hadlay amniga iyo arrimaha doorashooyinka.

Kulanka dhexmaray Saraakiisha Ciidamada Amisom iyo Guddoomiyaha cusub ee baarlamaanka maamulka Galmudug ayaa looga hadlay xoojinta Amniga deegaanada Galmudug gaar ahaan Amniga Doorashooyinka Madaxwaynaha iyo Madaxwayne ku xigeenka oo dhawaan lafilayo in ay ka dhacdo magaalaa Dhuusamareeb.

Ammaanka magaalada Dhuusamareeb ayaa maalmihii dambe aad loo adkeeyay iyada oo halkaas ay ka dhacday doorashada guddoomiyaha baarlamaanka Galmudug iyo ku xigeenadiisa, dhinaca kalana la filayo in maalmaha soo socda ay doorashada madaxweynaha iyo ku xigeenkiisa ay ka dhacdo halkaas.

Saraakiisha ciidamada Midowga Africa ee Amisom ayaa balan qaaday in ay xoojin doonaan ammaanka magaalada iyo in wadashaqeyn fiican ay dhexmarto masuuliyiinta maaamulka Galmudug gaar ahaana guddoomiyaha inta doorashada madaxweynaha ay ka dhaceyso.

Si kastaba, Galmudug waxaa xilligaan ka taagan xiisad kulul oo dhanka Siyaasadda, islamarkaana salka ku haysa Arrimaha doorashada Maamulkaasi.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here