Wasiirka Amniga Jubbaland Cabdirashiid Janan oo lagu soo dhaweeyay degmada BeledXaawo

BeledXaawo (Halqaran.com) – Wararka ka imaanaya Degmada BeledXaawo ee Gobolka Gedo, ayaa waxa ay sheegayaan, in halkaasi uu gaaray Wasiirka Amniga Maamulka Jubbaland Cabdi rashiid Janan.

Sida uu baahiyay Tvga Jubbaland ee ku hadla afka Maamulkaasi Cabdirashiid Janan, ayaa waxaa si weyn loogu soo dhaweeyay Garoonka diyaaradaha Magaalada Baled Xaawo.

Maalmihii la soo dhaafay, ayaa Wasiirka Amniga Maamulka Jubbaland Cabdirashiid Janan, wuxuu ku sugnaa Magaalada Nairobi.

Shacabka iyo Maamulka Degmada BeledXaawo, ayaa Wasiirka waxa ay ku soo dhaweeyeen degmadaasi.

Cabdirashiid Janan, ayaa ka baxsaday gacanta Dowladda Federalka Somaliya, kadib markii uu ka baxsaday xabsiga, isla-markaana doon uu ku tagey Magaalada Kismaayo.

Si kastaba, maamulka Jubbaland iyo Dowladda Federalka Soomaaliya, ayaa waxaa ka dhaxeeya xurguf adag oo dhanka siyaasadda ah.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here