Faah-faahin ku saabsan gaari ciidan oo lagu qarxiyay deegaanka Siinka-dheer

Muqdisho (Halqaran.com) – Waxaa qarax miino lagula eegtay duleedka magaalada Muqdisho gaari ay saarnaayeen Ciidamo ka tirsan Militariga Soomaaliya.

Qaraxan oo ahaa miino, ayaa qabsaday gaariga xilli uu maraayay nawaaxiga deegaanka Siinkadheer ee duleedka Magaalada.

Ciidamadii saarnaa gaariga ayaa waxaa soo gaaray khasaare dhimasho iyo dhaawacba leh, sidoo kalena gaarigii qaraxa miinada lala eegtay ayaa burbur uu soo gaaray.

Saraakiil ka tirsan Ciidamada ammaanka Soomaaliya, ayaa Warbaahinta waxa ay u xaqiijiyeen laba Askari inay ku dhinteen qaraxaasi, tiro kalena ay ku dhaawacantay.

Inkastoo wadada isku xirta Muqdisho iyo Afgooye ay tahay mid xiran oo aysan marin gaadiidka shacabka, ayaa hadana gaadiidka Militariga halkaasi marka ay marayaan waxa ay la kulmaan qaraxyo.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *