Wararka Maanta

Shirkii Garsoorka Soomaaliya OO Maanta Ka Furmay Magaalada Muqdisho+Sawiro

Muqdisho (Halqaran.com)- Shir sanadeedka Garsoorka dalka ayaa maanta ka furmaya magaalada Muqdisho, kaasoo looga hadlayo arrimaha xaaladda ah garsoorka iyo cadaaladda dalka halka uu marayo.

Shirkaan ayaa ah sanadkii labaad oo lagu qabtay magaalada Muqdisho, waxaana ka qaybgalay hey’addaha Garsoorka dowladda Federaalka iyo kuwa maamul goboleedyada dalka.

Sidoo kale Shirkaan ayaa waxaa ka qeyb galaya Guddoomiyaha Golaha Shacabka, Guddoomiyaha Maxkmadda Sare, Guddoomiyaha Maxkmadda Gobolka Banaadir, Wasiiro, Xildhibaano iyo xubno ka socda Maamul Goboleedyada dalka

Arrimaha shirkan looga hadlayo ayaa waxaa ka mid ah caqabadaha heysta garsoorka dalka iyo sidii loo tayeyn lahaa hay’aadddah garsoorka dalka, iyadoo wasaaradda cadaaladda ee dowladda federaalka ay ka warbixinayso xaalada garsoorka dalka.

Madaxweyne Maxamed Cabdullaahi Farmaajo ayaa horay u balan qaaday in hey’aadaha Garsoorka laga dhigi doonno kuwo lagu kalsoonaan karo, waxaana dib u habeynta lagu sameyay hey’aadaha Garsoorka dalka.

Xafiiska Wararka Halqaran.com
Halqrannews@gmail.com

Post Comment