Wararka Caalamka Wararka Maanta

Madaxweyne Trump oo xaalad deg-deg ah geliyay dalka Mareykanka, kaddib markii uu…

Washington (Halqaran.com) – Madaxweynaha Mareykanka Donald Trump ayaa ku dhawaaqay xaalad deg-deg ah oo ku saabsan ka hortaga caabuqa halista ah ee Coronavirus.

Donald Trump ayaa sidoo kale sheegay in maamulkiisa uu diyaarinayo lacag ka badan $50 bilyan oo doolar oo wax looga qabanayo feyraskan.

Gudaha dalka Mareykanka ayaa la xaqiijiyay in cudurka Coronavirus uu haleelay in kabadan 1,700 oo ruux halka ay u dhinteen 40 ruux.

Dhowr gobol oo ka tirsan Mareykanka ah ayaa goor sii horreesay qaaday tallaabooyin ay kaga hor tagayaan xanuunkan, iyagoo mamnuucay in la iskugu yimaado goobaha dadwaynaha.

Tallaabadan uu qaaday madaxwaynaha Mareykanka ee xaalada degdegga ah ayaa imaaneeyso xilli dhowaanahan lagu eedeeynayay in uu ka gaabiyay wax ka qabashada cudurka saf mareenka ah ee Coronavirus

Madaxweynaha dalka Mareykanka Donald Trump ayaa sawir la galay masuul reer Barasiil ah Sabtidii hore kaas oo la sheegay in laga helay Feyraska Corona.

Trump ayaa sheegay in uusan isagu isku arkin wax astaamo ah oo la xiriira cudurkan qalqalka geliyay adduunka ee Coronavirus.

Xafiiska Wararka Halqaran.com
Halqarannews@gmail.com

Subscribe

Post Comment