Taliska ciidanka xoogga dalka oo war ka soo saaray la wareegistii maanta deegaanka Janaale

Janaale (Halqaran.com) – Taliyaha Ciidanka Dhulka Soomaaliyeed S/guuto Cabdixamiid Maxamed Dirir ayaa sheegay ciidanka xoogga in deegaanka janaale ay sibuuxda ula wareegen, kadib markii ciidanka ay dhoowr jiho kagaleen degaankaasi islamarkaana Al-Shabaab ay isaga baxeen.

Taliyaha oo ku sugan deegaanka Janaale ayaa tilmaamay in haatan uu nabad degaankaasi yahay mid wanagsan, isla markaana Ciidamada ay ka wadaan howlgallo kala duwan oo ka dhan ah Al-Shabaab.

S/guuto Cabdixamiid Maxamed Dirir ayaa ugu baaqay shacabkii deegaanka inay kusoo laabtaan guryahooda, kuwaas oo cabsi dagaal darteed uga barakacay.

Deegaanka Janaale ee Gobolka Shabeellaha Hoose ayaa waxaa muddo ka badan 10 sano Gacanta ku haayey Al-Shabaab, hayeeshee ugu dambeyn ay soo gashay gacanta dowladda.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *