Wararka Maanta

Ciidamada DF Somaliya oo dagaal uga saaray Al-Shabaab deegaanka Daynuunaay & Wararkii ugu dambeeyay

Ciidamada dowladda Soomaaliya oo ku sugan Xuduudka dalka /sawir hore/ Keydka HQ

Daynuunaay (Halqaran.com) – Wararka ka imaanaya deegaanka Daynuunay ee Gobolka Baay ayaa waxaa ay sheegayaan in maanta ay Ciidamada dowladda dagaal kula wareegeen deegaankaas, kadib markii ay Al-Shabaab subixii Arbacada maanta ay qabsadeen.

Rag ka tirsan Al-Shabaab ayaa goobjoogayaal sheegeen in saakay ay dagaal kula wareegeen deegaanka Daynuunay oo qiyaastii 25km dhinaca Bari kaga beegan Magaalada Baydhabo, iyaga oo dadka ku nool deegaankaas ka codsadey inay la shaqeeyaan.

Hayeeshee waxaa la sheegay in ciidanka dowladda ay weerar ku qaadeen deegaanka Deeynuunaay, isla markaana dagaal saacad badan socdey ay dib ula wareegeen.

Dagaalka ka dhacay deegaanka Daynuunay ayaa waxaa la sheegay inay ku dhinteen illaa 6 Askari oo ka tirsan Ciidanka Dowladda, hayeeshee Ciidanka dowladda ay haatan gacanta ku haayaan deegaankaas, kadib markii Al-Shabaab laga saaray.

Wararkii ugu dambeeyey ee naga soo gaaraya deegaanka Daynuunay ee Gobolka Baay ayaa waxaa ay sheegayaan in xaaladu ay tahay mid degan, basle Gudaha iyo daafaha Magaalada lagu arkayo Ciidanka dowladda oo wata Gaadiidka dagaalka, kuwaas oo dhaq dhaqaqyo sameynaya.

Wali kama aheysan hadlin masuuliyiinta maamulka Koonfur Galbeed, wax faah faahin ahna kama bixin dagaalkaas maanta deegaanka Daynuunay ee Gobolka Baay ku dhexmaray Ciidamada Dowladda iyo Xubno ka tirsan Ururka Al-Shabaab.

Xafiiska Wararka Halqaran.com
Halqarannews@gmail.com

Subscribe

Post Comment