Saciid Cali Fiqi oo maanta loo doortay gudoomiyaha cusub ee Baarlamaanka Koonfur Galbeed

Amb. Cali Saciid Cali /Sawir hore/

Baydhabo (Halqaran.com) – Danjire Cali Saciid Cali Fiqi ayaa Arbacadii maanta loo doortay inuu noqdo guddoomiyaha cusub ee baarlamaanka Koonfur Galbeed, kaddib doorasho ka dhacday magaalada Baydhabo.

Xildhibaan Cali Saciid Fiqi ayaa doorashada kaga guuleystay Xildhibaan Maxamed Cabdiraxmaan Nuur oo ah musharaxii keliya ee tartanka kula jiray.

Doorashada oo hal wareeg ahayd ayaa lagu kala baxay, sida uu ku dhawaaqay Ku-simaha gudoomiyaha Baarlamaanka Koonfur Galbeed, Xildhibaan Xasan Cabdinuur Aalbaro.

Xildhibaan Aalbaro ayaa sheegay in Cali Saciid Fiqi uu helay 83 cod, iyadoo 2 cod uu helay Maxamed Cabdiraxmaan Nuur, halka 8 codna uu khasaaray.

Ugu dambeyn, guushaan uu gaaray Amb. Cali Saciid Fiqi oo dhawaan iska casilay xilka Safiirka Soomaaliya ee Midowga Yurub ayaa ahayd mid horeyba loo sii saadaalinayay.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *