UPDATE: Maxkamadda Ciidamada Qalabka Sida oo xukun dil ah ku riday Askari

Dhuusamareeb (Halqaran.com) – Maxkamadda Ciidamada Qalabka Sida ee Soomaaliya ayaa Sabtidii maanta waxa ay xukunno kala duwan ku ridday rag horay dil uga geystay gudaha magaalada Dhuusamareeb ee xarunta gobolka Galgaduud.

Maxkamadda Ciidamada qalabka sida ayaa dil toogasho ah ku xukuntay, Maxamed Cabdi Nuur Geeddi (Madax-yareey) oo horay u dilay marxuum, Shaafici Cabdi Xaaji Diiriye.

Waxaa sidoo kale Shan Sano oo xabsi Ciidan ah maxkamaddu ay ku ridday, Maxamed Cabdiwali Xasan (Boqol) oo ay ka billaabatay shaqaaqadii lagu dilay marxuumkaas.

Dilkaas ayaa ka dhacay Degmada Dhuusamareeb ee xarunta Dowlad goboleedka Galmudug 28 kii Maarso ee Sanadkan 2020-ka.

Gaashaanle sare Xasan Cali Nuur Shuute oo ah guddoomiyaha Maxkamadda ayaa ku dhawaaqay in Maxamed Cabdi Nuur lagu riday xukun Dil toogasho ah oo ah qisaastii Shaafici Cabdi, halka Maxamed Cabdiweli isna lagu xukumay Shan Sano oo Cabsi Ciidan ah.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *