Guddoomiye ku-xigeenka Maaliyadda Gobolka Banaadir oo maanta xilka la wareegay +(SAWIRRO)

0

Muqdisho (Halqaran.com) – Guddoomiye ku-xigeenka cusub ee maamulka iyo Maaliyadda Gobolka Banaadir mudane Axmed Xasan iiman ayaa munaasabad kooban oo ka dhacaday Xarunta Aqalka Dowladda Hoose ee Xamar kula wareegay xilkaasi waxaana madasha uu xilkaasi kula wareegayay goob joog ka ahaa Guddoomiyaha Gobolka Banaadir ahna Duqa magaalada Muqdisho mudane Cumar Maxamud Maxamed (Cumar Filish).

Guddoomiye Ku xigeenkii hore ee dhanka Maaliyadda Gobolka Banaadir Ibraahin Mahad Alle, ayaa wareejiyay dhammaan Documantiyadii uu ku shaqeynaayay, waxaana uu ku wareejiyay guddoomiyaha cusub.

Duqa Muqdisho ayaa uga mahadceliyay intii ay soo wada shaqeeyeen Ibraahin Dheere, waxaana uu ku tilmaamay shaqsi karti leh.

Guddoomiyaha cusub ee dhanka Maamulka iyo Maaliyadda Gobolka Banaadir ayaa sheegay inuu rajeynaayo si wanaagsan inuu guto xilkiisa, waxaana uu sheegay wada shaqeyn wanaagsan inuu ka rajeynaayo Shaqaalaha Gobolka.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here