Maxaa ka jira in Xabsiga laga sii daayay Wariye Coldoon?

Hargeysa (Halqaran.com) – 24-kii Saacadood ee la soo dhaafay ayaa waxaa Baraha Bulshada lagu faafinayay warar is burinayay oo ku saabsanaa in xabsiga laga siidaayay Wariye Cabdi Maalik Muuse Coldoon oo Muddo Sanad iyo dhowr bilood ah u xiran Somaliland.

Hadaba Abwaan Saciid Gaheyr oo kamid ah Abwaaniinta deegaannada Somaliland ayaa sheegay in wararkaas sheegaya in Xabsiga laga siidaayay Wariye Cabdi Maalik Coldoon aan waxba ka jirin, isla markaana weli uu xiran yahay.

Abwaanka ayaa sheegay in laba midkood lagu siideyn karo Wariye Coldoon, kuwaas oo kala ah, in uu kusoo baxo Cafsi Madaxweyne iyo in uu dhammeysto waqtiga uu ku xukunaa.

8-dii Bishii July Saadkii 2018 ayaa Maxkamadda Magalada Hargeysa waxaa ay Wariye Cabdi Maalik Coldoon ku riday xukun Saddex Sano iyo lix Bilood ah,kadib markii lagu eedeeyay inuu Af lagaadeeyay Madaxweynaha Somaliland Muuse Biixi Cabdi iyo Dugsiga Abaarso oo ku yaalla Magaalada Hargeysa.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *