Qarax khasaare geystay oo ka dhacay gobolka Baay

Diinsoor (Halqaran.com) – Qarax khasaare geystay ayaa lagu soo warramayaa inuu ka dhacay degmada Diinsoor ee gobolka Baay, sida ay Halqaran.com u xaqiijiyeen goobjoogayaal.

Wararka ayaa sheegaya, in qaraxaan oo ahaa Miino dhulka lagu aasay lala beegsaday guddoomiyaha Ururka Haweenka degmada Diinsoor Baarliin Xaaji Buulle.

Qaraxani ayaa la sheegay, in uu ka dhacay meel u dhow guriga guddoomiyaha Ururka Haweenka degmada Diinsoor.

Wararka qaar oo aan weli la xaqiijinin ayaa sheegaya, in ay guddoomiyaha Ururka Haweenka ay ku geeriyootay qaraxaasi.

Sidoo kale, qaraxa waxaa ku dhaawacmay saddex ruux oo la sheegay in ay ahaayeen Caruur la socotay guddoomiyaha Ururka Haweenka degmada Diinsoor Baarliin Xaaji Bulle.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *