Madaxweynaha Jabuuti ‘Geelle’ oo kula kulmay madaxweynaha Galmudug Qoorqoor

0

Jabuuti (Halqaran.com) – Madaxweynaha Jamhuuriyadda dalka Jabuuti, Mudane Ismaaciil Cumar Geelle ayaa qasriga madaxtooyada Jabuuti ku qaabilay Madaxweynaha Dowlad Goboleedka Galmudug, Mudane Axmed Cabdi Kaariye (Qoorqoor) oo Arbacadii shalay gaaray Jabuuti.

Kulankaan ayay madaxda uga wada hadleen arrimo dhowr ah oo ay ka mid yihiin iskaashiga dhinacyada horumarinta dhaqaalaha, ganacsiga iyo amniga.

Madaxweynaha Galmudug Qoorqoor waxaa ku wehliyay shirkaan wasiirada Amniga, arrimaha gudaha, gaadiidka iyo masuuliyiin kale.

Dhinaca kale, waxaa madaxweynaha dalka Jabuuti Ismaaciil Cumar Geelle ku wehliyay kulankaan Wasiirka Arrimaha Gudaha, Wasiirka Gaadiidka, maareeyaha Guud ee dekadaha Jabuuti iyo Danjiraha Jabuuti u jooga Soomaaliya.

Madaxweynaha Galmudug Axmed Cabdi Kaariye (Qoorqoor) ayaa Arbacadii shalay gaaray dalka Djabuuti, halkaasi oo uu tagay arimo la xariira dhismaha dekedda Hobyo.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here