Madaxweynaha Galmudug oo kulan muhiim ah la qaatay Safiirka Mareykanka

Muqdisho (Halqaran.com) – Madaxweynaha dowlad goboleedka Galmudug Mudane Axmed Cabdi Kaariye (Qoorqoor) ayaa magaalada Muqdisho kula kulmay Safiirka Soomaaliya u fadhiya dowladda Maraynkanka, Danjire Donald Yamamoto.

Qoorqoor iyo Yamamoto ayaa ka wada hadlay arrimaha Galmudug iyo xaaladda guud dalka, ayagoo si gaar ahna uga wada hadlay arrimo la xiriira Doorashooyinka 2020/2021 iyo dhammeystirka heshiiskii Dhuusmareeb3.

Safiirka Mareykanka ee Soomaaliya, ayaa ka mahadceliyay kulanka Madaxweynaha Galmudug, isagoona ku ammaanay Galmudugta cusub waxyaabihii u qabsoomay muddadii koobneed iyo doorkii ay ka qaadatay taabagelinta shirarkii Dhuusamareeb 1,2 iyo 3.

Kulanka labadan mas’uul ayaa ku soo dhammaaday si guul ah, ayadoo is afgarad laga gaaray dhammaan qodobbadii laga wada hadlay.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *