Maxaa ka soo baxay kulankii Axmed Madoobe iyo Xasan Sh. Maxamuud?

Muqdisho (Halqaran.com) – Madaxweynaha dowlad goboleedka Jubaland Mudane Axmed Maxamed Islaam (Axmed Madoobe) ayaa kulan talo wadaag ah la qaatay Madaxweynahii hore ee JF Soomaaliya, Mudane Xasan Sheekh Maxamuud.

Axmed Madoobe oo hoyigiisa ku booqday Madaxweynahii hore Xasan Sheekh ayaa kulankan waxaa ay kaga wada hadleen arimaha Doorashooyinka iyo wakhtiga kala guurka ah.

Labadaan mas’uul ayaa sidoo kale kawada hadlay sidii madasha ay door ugu yeelan laheyd go’aanka doorashooyinka dalka.

Kulankaan ayaa yimid kadib War-saxaafadeed ka soo baxay Madasha Xisbiyada Qaran oo eedeyn culus loogu jeediyay Madaxtooyadda Soomaaliya.

Sidoo kale, war-saxaafadeedka ayaa lagu sheegay in howlihii dalka oo dhan ay ku soo aruureen gacanta Madaxweynaha JF Somaliya Farmaajo. 

Ugu dambeyn, Madasha Xisbiyada Qaran ayaa sheegtay in aan la aqbalin karin 53 maalmood uu dalku ahaado Ra’iisul Wasaare la’aan, islamarkaana shaqada hadda socotaa ay u muuqato kaligii-talisnimo.

Xafiiska Wararka Halqaran.com
Halqarannews@gmail.com

Leave a Reply

Your email address will not be published. Required fields are marked *