Madaxweynaha Jabuuti ‘Geelle’ oo qaabilay RW hore Xasan Cali Kheyre

Jabuuti (Halqaran.com) – Madaxweynaha Jamhuuriyadda dalka Jabuuti, Mudane Ismaaciil Cumar Geelle ayaa Isniintii maanta Xafiiskiisa ku qaabilay Ra’iisul Wasaarihii hore ee Soomaaliya Xasan Cali Kheyre.

Ra’iisul Wasaarihii hore ee Soomaaliya, Xasan Cali Kheyre ayaa maalin ka hor safar aan horay loo sii shaacin ku tegay dalka Jabuuti, halkaas oo la sheegay in uu ka bilaabayo ololihiisa doorashada, maadaama uu ku dhawaaqay in uu yahay musharrax Madaxweynaha Soomaaliya.

Madaxweyne Geelle iyo Kheyre ayaa ka wada hadlay arrimo ku saabsan xaalada Soomaaliya iyo arrimaha doorashooyinka.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here