France: Weerar toorey loo adeegsaday oo lagu dilay 3 ruux

0

Sawirka kore waa halka uu ka dhacay weerarka mindida (Photo Credit by Valery HACHE / AFP)


Nice (Halqaran.com) – Booliska dalka Faransiiska ayaa sheegay in nin ku hubeysnaa tooreey uu saddex qof ku dhex dilay kaniisad ku taalla magaalada Nice ee dhacda koonfur bari ee badda Mediterranean-ka Faransiiska.

Christian Estrosi oo ah duqa magaalada Nice oo weerarkaasi ku tilmaamay mid argagixiso ah ayaa sheegay in haweeneey ka mid aheyd saddexda qof ee la dilay la helay iyada oo gowracan.

Duqa magaalada Nice ayaa sidoo kale sheegay in weerarka uu ka dhacay meel u dhaw kaniisadda Notre Dame ee magaalada.

Ninka weerarka geystay oo aanan wali la ogaan heybtiisa ayaa la dhigay isbitaal, kaddib marki ay dhaawaceen ciidamo boolis ah oo kadibna gacanta ku dhigay.

Weerarkaan ayaa imanaya wax ka yar laba todobaad, kaddib marki nin ku hubeysnaa toorreey uu meel u dhow magaalada Paris ku gowracay macallin maadada taariikhda ka dhigi jiray dugsi dhexe.

Ugu dambeyn, Weerarkaan ayaa noqonaya kii saddexaad oo dad lagu dilo oo ka dhaca dalka Faransiiska muddo laba bilood gudahood.

Mohamed Hassan Hussein, Paris – France
Xafiiska Wararka Halqaran.com

Halqarannews@gmail.com

LEAVE A REPLY

Please enter your comment!
Please enter your name here