Muqdisho: Qarax dhimasho sababay oo lala eegtay Xildhibaanno hore

Caasimadda Muqdisho

Muqdisho (Halqaran.com) – Qarax khasaaro dhimasho iyo dhaawac isugu jiray geystay ayaa maanta ka dhacay magaalada Muqdisho, kaasi oo lala eegtay Xildhibaanno hore.

Wararka ayaa sheegaya, in gaari ay la socdeen Ex-Xildhibaan Muxudiin Xasan Afrax iyo Ex-Xildhibaan Xuseen Caraale qarax lagula eegtay Wadada Beexaani ee Degmada Shibis.

Afar askari oo ilaalo u ahayd ayaa la sheegay in qaraxaasi ku dhinteen, halka labadaasi Xildhibaano horena ay ku dhaawacmeen, sida ay goobjoogayaal u xaqiijiyeen Halqaran News.

Sidoo kale, goobjooge ayaa sheegay in xaaladda Ex Xildhibaan Xuseen Caraale ay tahay mid liidato, halka dhaawaca soo gaaray Ex Xildhibaan Muxudiin Xasan Afrax uu mid fudud yahay.

Si kastaba, Muxudiin Xasan Afrax ayaa saddex toddobaad ka hor ka badbaaday qarax wadada dhinaceeda la dhigay, oo gaari uu watay lagula eegtay Magaalada Muqdisho.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here