Midowga Afrika oo war cusub ka soo saaray dagaalkii BeledXaawo

Muqdisho (Halqaran.com) – Guddoomiyaha Midowga Afrika Mousa Faki ayaa sheegay inuu la socdo xiisada ka taagan xuduudka Soomaaliya iyo Kenya, taas oo u dhaxeeysa Ciidamada dowladda Soomaaliya iyo Maamulka Jubbaland.

War qoraal ah uu soo dhigay bartiisa Twitte-ka ayaa waxaa uu ku sheegay inay ka walaacsan yihiin xiisadaas iyo dagaalkii dhacay, waxaana uu ugu baaqay dowladaha Soomaaliya iyo Kenya inay xiisada dejiyaan.

“Waxaan si taxaddar leh ula socdaa xiisadaha ka taagan xadka  Kenya & Soomaaliya, waxaanan ka codsanayaa labada deris ah inay is xakameeyaan oo ay wadahadal la galaan si waafaqsan hannaanka  IGAD . Nabadda xadka Kenya iyo Soomaaliya ayaa muhiim u ah xasiloonida gobolka‘‘ ayuu yiri Mousa Faki.

Hadalka Guddoomiyaha Midowga Afrika Mousa Faki ayaa waxaa uu kusoo aadayaa xilli shalay degmada Beled-Xaawo oo xadka ku taala ay ku dagaalameen Ciidamada dowladda & kuwa Jubbaland, isla markaana Kenya qoraal ku saabsan dagaalkaas ay u dirtay Midowga afrika.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here