Kenya oo Turkiga ka soo iibsaneysa gaadiid ay kula dagaalanto Al-Shabaab

Kenya ayaa gaadiid dagaal ka iibsaneysa Turkiga

Kenya (Halqaran.com) – Dowladda Kenya ayaa qorsheyneysa sidii Turkiga uga soo iibsan laheyd gawaarida Gaashaaman iyo gaadiid kale, si ay ugu adeegsato howlgallada ay ciidamada Kenya kula dagaalamayaan dagaalamayaasha Al-Shabaab.

Kenya ayaa gawaarida nuuca gaashaaman ka iibsaneysa shirkadda Turkiga ah ee Otokar taasi oo soo saarta qalabka iyo gaadiidka ciidamada.

Gaadiidkaan gaashaaman ee ay soo saarto shirkadda Otokar ayaa waxaa mid kiiba uu xambaari karaa 12 askari oo uu ku jiro darawalka iyo hubkooda.

Dowladda Kenya ayaa la filayaa in ay si rasmi ah bisha July heshiis ku aadan gaadiidkan la saxiixato shirkadda Otokar.

Shirkaddaan Turkiga ayaa horey waxaa ay gaadiidkan uga iibisay dalal kale oo Afrikan ah kuwaasi oo aan la carrabaabin.

Ciidamo ka socda Kenya oo ku howlgalla magaca howgalka Midowga Afrika ee AMISOM, ayaa ku sugan Soomaaliya, kuwaasi oo dagaal kula jira ururka Al-Shabaab

Xafiiska wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here